10 желтоқсанда Осло және Стокгольм қалаларында жыл сайынғы Нобель сыйлығын табыстау рәсімі өтті.
Биыл Нобель бейбітшілік сыйлығын ирандық құқық қорғаушы Наргес Мохаммади алды. Оған, марапат «әйелдерге жасалған қысымға қарсы күресі үшін», сондай-ақ «адам құқығы мен бостандығын насихаттау барысындағы күресі» үшін берілді. Дегенмен Наргес Мохаммади Иранда қамауда болғандықтан, сыйлық балалары Али мен Киана Рахманиге берілді.
Иран билігі әйелдерге міндетті түрде хиджаб киюге және өлім жазасына қарсылығын білдірген белсенді Наргесті 13 рет қамауға алған. Ол, ендігі 2021 жылдан бастап қамауда. Жалпы 31 жылға бас бостандығынан айырылған.
Физика бойынша 2023 жылғы Нобель сыйлығы: Пьер Агостини, Ференц Крауш және Энн Л’юлье.
Физика бойынша 2023 жылғы Нобель сыйлығының үш лауреаты, әлемге атомдар мен молекулалар ішіндегі электрондар әлемін зерттеудің жаңа құралдарын берген тәжірибелері үшін танылды. Олар электрондардың қозғалатын немесе энергияны өзгертетін жылдам процестерді өлшеу үшін қолдануға болатын өте қысқа Жарық импульстарын жасау әдісін көрсетті.
Химия бойынша 2023 жылғы Нобель сыйлығы: Мунги Бавенди, Луи Брус және Алексей Екимов
Олар, кванттық нүктелерді ашқаны және дамытқаны үшін марапатталған. Бұл ұсақ бөлшектер ерекше қасиеттерге ие және қазіргі таңда жарығын теледидар экрандары мен жарықдиодты шамдардан таратады. Олар химиялық реакцияларды катализдейді және олардың жарқын жарығы хирург үшін ісік тінін жарықтандыруы мүмкін.
Медицина бойынша 2023 жылғы Нобель сыйлығы: Каталин Карико және Дрю Вайсман
Олардың жаңалығы пандемия кезінде COVID-19-ға қарсы тиімді mRNA вакциналарын жасау үшін өте маңызды болған. Лауреаттар біздің заманымыздағы адам денсаулығына ең үлкен қауіптердің бірі кезінде бұрын-соңды болмаған вакциналарды әзірлеу қарқынына үлес қосты.
Әдебиет бойынша 2023 жылғы Нобель сыйлығы: Джон Фосс
2023 жылғы әдебиет бойынша Нобель сыйлығы норвегиялық жазушы Джон Фоссеге «сөзбен айтып жеткізу мүмкін болмаған пьесалары мен прозалары үшін берілді»
