Ресейлік ғарышкер Антон Шкаплеров Instagram парақшасында Арал теңізінің ғарыштан түсірілген суретін жариялады.
Шкаплеров өз жазбасында «Арал 1960-шы жылдары әлем бойынша көлемі жағынан 4 орындағы көл еді, дегенмен теңіздің қазіргі жағдайы апатты халде» деп жазады.
Аралды дәстүрлі түрде көлемі бойынша теңіз деп атайды, дегенмен ақиқатында Арал – көл. ХХ ғасырдың екінші жартысында Кеңес Одағы басшылығының науқаншылдығының кесірінен Арал теңізі тартыла бастады.
