Брюссельде марокколықтар Қатарда өтіп жатқан әлем чемпионатында Марокко құрамасы Бельгияны жеңгеннен кейін жаппай тәртіпсіздік жасады, деп хабарлайды Kazaknews.kz тілшісі Украина Сейчас телеграм арнасына сілтеме жасап.
Тәртіпсіздіктердің нәтижесі: бірнеше көлік қиратылған, бағдаршамдар бұзылған, бельгиялық журналист – пиротехника әсерінен жарақат алған, тәртіпсіздік жасағандарға қарсы жергілікті полиция су атып, көзден жас ағызатын газ қолданған. Қазір Брюссельдегі жағдай тұрақтанды.
Айта кетейік, 27 қарашада Қатарда өтіп жатқан әлем чемпионатында Марокко құрамасы сенсация жасап Бельгияны 2-0 есебімен ұтты. Ойында голдарды 73 минутта Роман Сесс және 92 минутта Закария Абухляль соққан. Екі турдан кейін топта Хорватия мен Марокко 4 ұпай жинап бірінші және екінші орында тұр. Ал Бельгия құрамасы үш ұпаймен үшінші орынға жайғасқан. Топта соңғы орында 0 ұпаймен канадалықтар тұр. 1 желтоқсан күні топтық кезеңнің соңғы турында Марокко Канадамен, ал Бельгия Хорватиямен ойнайды.
