Түрікменстан Қазақстанға дейін автожол салады

0
161

Түркменстан мен Қазақстан арасын жалғайтын автожол салынады. Бұл туралы “Туркменистан сегодня” хабарлады.

Түрікменстанда министрлер кабинетінің отырысында вице-премьер Дадебай Амангелдиев ел президенті Гурбангулы Бердымухамедовке Түрікменбасы – Гарабогаз – Қазақстан арасында автокөлік жолын салу туралы баяндаған.

Басылымның мәлімдеуінше, жол екіжақты қозғалыспен жасалады. Оның ені – 22,5 метр, ал ұзындығы – 225 шақырым. Бұл жол Түрікменбасыдан басталып, Қазақстан шекарасына дейін жалғасады. Сондай-ақ, қажетті инфрақұрылымдық нысандар да салынады.

Гарабогазгол (Кара-Богаз-Гол) шығанағының үстінен ұзындығы 354 метрлік көпір құрылысы басталады. Түрікменстан мен Қазақстан шекарасы арасында автожол мен көпір салу елдердің өзара тауар айналысын, жүк және жолаушылар тасымалын арттыруға мүмкіндік береді.

“Хроника Туркменистана” ақпараты бойынша, Түрікменбасы мен Қазақстанның Маңғыстау облысы арасына автожол салу жоспары 2018 жылы сәуірде хабарланған.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз