The Sun: Ресей “Cпутник V” екпесін жасау үшін AstraZeneca туралы мәліметтерді ұрлаған

0
106
Photo: NY Times

Ресей тыңшылары AstraZeneca компаниясының коронавирусқа қарсы вакцина өндіру формуласын ұрлап, “Cпутник V” вакцинасын өндіру үшін пайдаланған. Бұл туралы The Sun басылымына сілтеме жасап Азаттық сайты хабарлады.

Британ үкіметі кибершабуыл және зияткерлік меншікті ұрлау жөніндегі кез-келген ақпаратты қалт жібермейтінін Ұлыбритания премьер-министрінің өкілі The Sun басылымындағы мәліметтер бойынша жауап беріп жатып айтқан.

Ол арнайы қызметтің ісіне қатысты сұрақтарға жауап бермейтінін айтып, Ресейге ешқандай айыптау тақпады.

Бір күн бұрын The Sun басылымы ресейлік тыңшылар AstraZeneca компаниясының коронавирусқа қарсы вакцина өндіру формуласын ұрлап кеткенін, ол кейін “Cпутник V” вакцинасын өндіру үшін пайдаланғанын хабарлаған. Ақпаратқа қарағанда, бұл туралы арнайы қызмет жақында британ үкіметіне мәлімет берген.

Британдық және ресейлік вакцина екеуі де аденовирустық екпе болып есептеледі, әзірленуі де ұқсас. Бірақ AstraZeneca-ның “Cпутник V” вакцинасынан айырмашылығы – шимпанзе аденовирусы негізінде әзірленген. “Спутник V” Ресейде 2020 жылдың тамызында, AstraZeneca Британияда желтоқсан айында тіркеуге алынған.

Былтыр батыс елінің арнайы қызметтері вакцина туралы мәліметтер алу үшін ресейлік хакерлер кибершабуылдар жасағанын мәлімдеген.

Кремль баспасөз хатшысы Дмитрий Песков жоғарыдағы мәліметтерге қатысты жауап беріп жатып, “The Sun ғылыми емес басылым” деген.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз