Швецияда ел тарихындағы ең ірі сот ісінің бірі Стокгольмде болған лаңкестік әрекетке қатысты сот процесі басталды. Айыпталушы – 39 жастағы Өзбекстан тумасы Рахмат Ақилов.
Тергеу бойынша, өткен жылдың 7 сәуірінде қылмыстық істі мүмкін орындаушы Ақилов жүк көлігін айдап кетіп, швед астанасының орталық көшесінде өту жолағындағы жаяу жүргіншілерге қасақана шабуыл жасаған, деп жазады Euronews. Салдарынан 5 адам қаза тауып, 15 адам жараланды. Ақилов оқиға орнынан ізін суытып үлгергенімен, бірнеше сағаттар өткеннен кейін қолға түскен.
Тергеу барысында Ақилов жасаған қылмысын мойындап, өз әрекетін ИГИЛ*-мен күрес жүргізіп жатқан Швецияны «жазалау» деп түсіндірген. Сот-психиатриялық сараптамасы айыпталушыдан психологиялық ауытқулар анықтамаған.
Айыптаушы тарап Ақиловты өмір бақи бас бостандығынан айыру жазасын сұрады. Сот үкімі маусым айының соңында белгілі болады деп күтілуде.
