Оқу-ағарту министрі Ғани Бейсембаев «Білім-инновация» қорына қарасты өзін-өзі басқару ұйымдарының жетекші көшбасшыларымен бейресми кездесу өткізді.
Еркін форматта өткен жиында оқушылар көкейдегі сұрақтарын қойып, мектеп қабырғасындағы мәселелерге қатысты ойларымен бөлісті. Ал Ғани Бектайұлы өз кезегінде білім саласындағы жасалып жатқан ауқымды жұмыстарға тоқталып, жас өрендердің сұрақтарына жауап берді. Шәй ішіп, еркін әңгімелесті.
Кездесу соңында министр жас көшбасшыларға Қасым-Жомарт Кемелұлы Тоқаевтың «ӘКЕ ТУРАЛЫ ОЙ-ТОЛҒАУ» атты кітабы мен естелік сыйлықтар табыстады. Естелік суретке түсті.
