Оқу-ағарту министрлігі: Мектеп формасы нұсқаларын кеңейту жоспарланып отыр

0
235
Оқушылар. Photo: zhaikpress.kz

Қазақстанның мектеп оқушыларына пиджак, жилет, шалбар, юбка және жейдеден тұратын қазіргі мектеп формасымен қатар пиджак пен жакетті түймелері бар немесе сыдырмалы тоқылған күрте немесе кардигандарға ауыстыруға, сондай-ақ күнделікті киіп жүрген жейделерін поло жейделерге ауыстыруға мүмкіндік беріледі. Бұл жөнінде оқу-ағарту министрлігінің баспасөз қызметі хабарлады.

Дегенмен киімнің түсі, стилі және басқа да тұстары мектеп әкімшілігімен келісілуі керек.

“Жалпы мектеп формасына қойылатын талаптар өзгермейді. Бұл жерде әңгіме тізімді толықтыру және таңдау мүмкіндігін беру жайында болып отыр. Бұған дейін ата-аналар бұл мүмкіндіктің балалар үшін ыңғайлы екенін айтып, қарастыруды сұраған болатын. Өйткені сабақ кезінде ресми костюм кию балалардың барлығына бірдей қолайлы емес. Сол себепті балама ретінде ыңғайлырақ киіммен келуге рұқсат беру ұсынылып отыр. Мысалы, ресми пиджак немесе жакет орнына тоқылған күрте/кардиган және күнделікті жейде орнына поло жейде. Шешімді мектеп әкімшілігі, қамқоршылық кеңесі және мектептің өзін-өзі басқару кеңесі қабылдайды. Бұл толықтырулар келесі жылы мектептерде шешім қабылдауға жеткілікті уақыт болуы үшін алдын ала басталып отыр. Бірақ бұл мектептер бекітілген талаптарды міндетті түрде қайта қарауы керек дегенді білдірмейді. Бұл қажет болған жағдайда пайдалануға болатын қосымша мүмкіндік пен нұсқа ғана”, – деп түсіндірді ҚР Оқу-ағарту министрлігі орта білім комитетінің басшысы Гүлмира Райынбекқызы.

Министрлік ата-аналардың өндірушіні таңдауда немесе мектеп формасын сатып алуда тәуелсіз екенін еске салады.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз