Қазақстанның батысында «описторхоз» ауруын жұқтырғандар саны артып жатыр. Бұл ауруды тұрғындар өзенде болатын тұқы балығы (карп) арқылы жұқтырған, деп хабарлайды Kazaknews.kz тілшісі Информбюро сайтына сілтеме жасап.
БҚО санитарлық-эпидемиологиялық бақылау департаментінде жыл басынан бері «описторхоз» ауруының 113 жағдайы тіркелген.
Описторхоз – бұл балық арқылы берілетін паразиттік ауру. Ауруды жұқтырудың ықтимал себебі, жеке гигиена мен өнімді термиялық өңдеу ережелерін сақтамаған белгісіз сауда орындарында балық сатып алу болып табылады.
Описторхоздың негізгі белгілері:
- бет пен денеде бөртпе;
- дене температурасының 37-38 градусқа дейін көтеріліп, төрт аптаға дейін созылуы;
- екі аптаға дейін созылатын бас аурулары;
- ұйқы бұзылуы, әлсіздік, тершеңдік және тәбеттің төмендеуі;
- бұлшықеттерде ауырсыну;
- аллергиялық реакциялар.
Егер ауруды уақытылы толықтай емдемесе, бұл бауыр абсцессіне, өт қабынуына және жүрек ауруларына әкелуі мүмкін.
Мұндай келеңсіздікке ұшырамас үшін, санитарлық дәрігерлер ұсынысы:
- тұқы тұқымдасының шикі, тұзды емес, нашар кептірілген балықтарын жеуге болмайды;
- шикі балықты кесу кезінде немесе одан кейін жеке гигиена ережелерін қатаң сақтаңыз;
- балықты 2-3 апта бойы күшті маринадта тұздаңыз;
- балықты кем дегенде 20 минут қуырыңыз.
 арқылы...){kind=link}