Қазақстанда тағы бір банк лицензиясынан айырылды

0
47
Capital Bank Kazakhstan

Capital Bank Kazakhstan АҚ банк және өзге де операция жүргізу лицензиясынан айырылды. Бұл туралы Қазақстан қаржы нарығын реттеу және дамыту агенттігі хабарлады. 

Агенттіктің мәліметінше, оған төмендегі жайттар себеп болған:

  • пруденциалды нормативтерді (Ұлттық банк бекіткен көрсеткіштер) жүйелі түрде бұзу;
  • қадағалап ден қою шараларын жүйелі түрде орындамау;
  • уәкілетті органның қосымша капиталдандыру жөніндегі талаптарын орындамау;
  • төлем қабілеті төмен банктер қатарына енгізілуі.

Ақпаратқа қарағанда, банк активтері 38,5 млрд теңгені құрайды. Қарыз портфелі – 33,9 млрд теңге. Оның 90 пайызға жуығы 90 күннен астам мерзімі өткен жұмыс істемейтін кредиттерден тұрады. Банктің ликвидті активі – 149 млн теңге. Атқарылмаған клиент төлемдері 15 млрд теңгеден асады.

Салымшылар депозитінің 99 пайызын “Қазақстанның депозиттерге кепілдік беру қоры” АҚ толық өтейді.

Қазіргі уақытта банкте уақытша әкімшілік тағайындалып, басқару соның қолына өткен.

Өткен жылы қыркүйек айында Tengri Bank те осыған ұқсас себептермен лицензиясынан айырылған еді.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз