АҚШ Ауғанстандағы қауіпсіздік пен тұрақтылықты қамтамасыз етуде Қазақстанның көмегін қабылдағаны жөн, деп жазады The Washington Times.
Мақала авторы Тодда Вуданың сөзінше, батыс Ауғанстанның мәселесін жекелей шеше алмайды. Құрама штаттар мен оның еуропалық одақтастары орасан зор шығын әкелетін және көп қан төгілуі мүмкін «симптомдарды» жаза алуы мүмкін, деп жазады мақала авторы. Автордың пікірінше, Ауғанстанды екіге бөліп жатқан радикалды ислам, трайбализм мен экономикалық тұрақсыздықты жойып, қалыпқа келтіруде көрші елдер ғана көмек көрсете алады.
Т. Вуда жазғандай, Ауғанстанды қалпына келтіруге мүдделі елдердің бірі – Қазақстан. Астана Ауғанстандағы жоқшылыққа халықаралық назар аударуды өз міндетіне алды. Т. Вуда: «Астанаға бізге көмек қолын созуға мүмкіндік беру қажет», – дейді. Автордың сөзінше, Қазақстан – Ауғанстанмен ынтымақтастықта АҚШ-тың шынайы серіктесі. Трамп тарапынан жарияланған Ұлттық қауіпсіздік стратегиясында айтылғандай, Ақ Үй «лаңкестікке қарсы күресті қолдау үшін аймақтағы қауіпсіздікті қамтамасыз етуде Орталық Азия елдерімен жұмыс істейтін болады». БҰҰ ҚК-де төрағалық ету арқылы Қазақстан осы айдың аяғында Орталық Азия және Ауғанстан бойынша министрлік пікірталастар ұйымдастырып, халықаралық күш-жігерді жандандыруда үлкен рөл атқара алады.
«Трамп Қазақстан президенті Нұрсұлтан Назарбаевпен келесі жұмада кездеседі. Вашингтон Ауғанстанның қауіпсіздігі мен дамуына қатысты мәселеде Астананың ұсынған көмегін қабылдауы қажет», – деп түйіндейді автор.
