Нұрсұлтан Назарбаев Қытай Халық Республикасының Циндао қаласына жұмыс сапарымен келді. Бұл туралы Ақорданың баспасөз қызметі хабарлайды.
Циндаода Н. Назарбаев Шанхай ынтымақтастық ұйымының XVIII саммитіне қатысады.
Сапар барысында Қазақстан президентінің Шанхай ынтымақтастық ұйымына мүше мемлекеттер басшыларының шағын және кеңейтілген құрамдағы отырыстарына қатысуы, бірлескен құжаттарға қол қоюы, сондай-ақ бірқатар екі жақты кездесулер өткізуі жоспарланып отыр.
