10 қыркүйек күні Apple компаниясы Стив Джобс театрындағы тұсаукесерде iPhone-ның үш жаңа моделін көрсетті.
Флагмандық модельдер 5,8 дюймдік және 6,5 дюймдік OLED дисплейімен, ал 11 — 6,1 дюймдік Liquid Retina-дисплейімен құрастырылған.
Сондай-ақ, iPhone XR моделінің жаңартылған нұсқасы енді iPhone 11 деп аталады. Оның Dolby Atmos форматында қос камерасы бар. IPhone 11-дің артында 12 мегапиксельді екі камера, оның ішінде ультра кең бұрышты (ultra — wide) камера орналасқан. Жаңа модельдегі камералар қараңғылықта анық суреттер түсіре алады. Алдыңғы камера 12 мегапиксельді, ол 4k бейнені және слайд-фейсфильмдерді түсіреді.
Смартфонды A13 Bionic процессоры басқарады — бұл нарықтағы ең жылдам процессор, дейді авторлар. Барлық ядерлердің жылдамдығы шамамен 20%-ға өсті, нейрондық желілермен жұмыс істеу үшін арнайы блок қосылды.
iPhone 11 күлгін, жасыл, сары, қара, ақ және PRODUCT(RED) түстерінде, сондай-ақ 64, 128 және 256 ГБ жадымен қолжетімді болады, бағасы — 360 мың теңгеге жуық.
Сонымен қатар, Super Retina XDR экрандары жаңа үлгілерде XS және XS Max смартфондарындағы өлшеміне ұқсас энергияны 15%-ға аз тұтынады. 3D Touch технологиясының орнына — оларда бағдарламалық шешім болады. IPhone 11 Pro желісінің негізгі ерекшелігі — артқы панельдегі үштік камера. Барлық камералардың рұқсаты — 12 МП, бірақ әртүрлі линзаларға ие: кең, ультра кең және телефото. Әрбір объективтің өзінің апертурасы мен фокустық арақашықтығы бар.
Жаңа iPhone камерасында сурет жасау үшін нейрожелілер жұмыс істейді. Смартфон бір сурет түсіру үшін тоғыз түрлі кадр жасайды. Оның төртеуі түймені басқанға дейін жүзеге асады.
IPhone 11 Pro және 11 Pro Max үлгілерінде де A13 Bionic процессоры орнатылған. Оның жылдамдығы алдыңғысымен салыстырғанда 15-40%-ға өсті, ал энергия шығындары 20-30%-ға азайды.
IPhone 11 Pro батареясы iPhone Xs-ке қарағанда төрт сағатқа, ал iPhone Pro Max батареясы Xs Max қарағанда бес сағатқа ұзағырақ жұмыс істейді. Ұзақ уақыт ішінде алғаш рет 5 Вт зарядтау құрылғысының орнына iPhone 11 Pro және iPhone 11 Pro Max жылдам USB-C 18 Вт қуат адаптерімен жинақталады.
iPhone 11 Pro және iPhone 11 Pro Max төрт түсте қолжетімді болады: қара-жасыл, күміс, алтын және “сұр ғарыш”. 64 ГБ, 256 ГБ және 512 ГБ жады бар, бағасы 540 мың теңгеден басталады.
Жаңа iPhone XR модельдерінің нарыққа шығумен iPhone 8 екі үлгісімен бірге сатылымда қалады, ал Xs сериясы модельдік қатардан алынады.
Әлемде жаңа гаджеттердің сатылымы 20 қыркүйекте басталады.
