“Самұрық-Қазына” акционерлік қоғамы “Сарыарқа” газ құбыры магистралін салу жұмыстарын қаржыландыруға ат салысады. Бұл туралы 20 ақпан күні Назарбаевтың қабылдауында “Самұрық–Қазына” АҚ басқарма төрағасы А.Есімов мәлімдеді.
Кездесуде Қазақстан Президентіне “Самұрық-Қазына” акционерлік қоғамының 2018 жылы атқарған жұмыстары жөнінде есеп берілді.
Нұрсұлтан Назарбаев “Самұрық-Қазына” акционерлік қоғамы қызметінің негізгі көрсеткіші жақсы екенін айтты.
– Қор қызметінің қорытындылары басқа жылдармен салыстырғанда өте жақсы. Акционерлік қоғамның барлық компаниялары жылды табысты аяқтап, кірістерін арттыра түсті. Сонымен қатар, Қордың басқару деңгейлері жоспарлы түрде оңтайландырылды, – деді Елбасы.
А.Есімов Мемлекет басшысына Қор активтерін жекешелендіру барысы, “Қазақтелеком” және “Air Astana” компанияларын IPO-ға шығару жоспары жөнінде мәлімдеді.
