Қазақстан-Қырғызстан мемлекеттік шекарасындағы “Қордай” өткізу бекеті жаңғыртылады. Бұл жайында ҚР Премьер-Министрі Бақытжан Сағынтаев айтты.
“Индустрия және инфрақұрылымдық даму министрлігі қазақ-қырғыз шекарасындағы “Қордай” өткізу бекетін жаңғыртудың жобалық-сметалық құжаттамасын әзірлеу жұмыстарын жүргізіп жатыр. Жаңғырту жұмыстарын бастау осы жылдың соңына қарай жоспарланған”, – деді Үкімет басшысы.
Қазақпараттың хабарлауынша, Премьер-Министр қазақ-қырғыз шекарасындағы қалған алты бекеттің жөндеуді қажет етпейтіндігін, көлік құралдары мен жолаушылардың үздіксіз ары-бері өтуін қамтамасыз ететіндігін атап өткен.
