«Самұрық-Қазына» ҰӘҚ жаңа басқарма төрағасы болып Ахметжан Есміов тағайындалды.
23 желтоқсанда ҚР Президенті Нұрсұлтан Назарбаевтың тапсырмасымен, ҚР Премьер-Министрі Бақытжан Сағынтаев пен ҚР Президенті Әкімшілігінің Басшысы Әділбек Жақсыбеков «Самұрық-Қазына» ҰӘҚ» АҚ ұжымына жаңа басқарма төрағасы – Ахметжан Есімовті таныстырды, деп хабарлайды ҚР Үкіметінің баспасөз қызметі.
23 желтоқсанда «Самұрық-Қазына» ҰӘҚ жаңа басқарама төрағасы таныстырған премьер-министр Ахметжан Есімовтің елге сіңірген еңбегін атап өтіп, мемлекеттік күрделі міндеттерді орындаудағы жоғары кәсіпқойлығы мен жауапкершілігін баса айтты.
Қысқа уақыттың ішінде А. Есімов «Экспо-2017» Халықаралық көрмесіне» тиімді дайындық пен оның табысты өтуін ұйымдастырды.
«Қордың алдында Мемлекет басшысының қойған өте маңызды, оның ішінде трансформациялау бағдарламасын одан әрі іске асыру бойынша міндеттері тұр», — деп атап өтті Бақытжан Сағынтаев.
Үкімет басшысы жаңа басқарма төрағасы мен Қор ұжымына табыс тілеп, еліміздің Президенті белгілеген мақсат пен міндеттерге жету бойынша жұмысты жандандыру қажеттігін атап өтті.
Сабина Сайлаубай
