БҰҰ комитеті: Қырғызстан Орхан Инандының ұрлануын жіті зерттеген жоқ

0
125
Орхан Инандының елге қайтарылуын талап етіп митингке шыққан Қырғызстан азаматтары. Photo: 24kg

БҰҰ-ның Азаптауға қарсы комитеті Орхан Инандының ұрланып, азапталып, Түркияға жеткізілуіне Қырғызстанның кінәсі бар деп есептейді. Бұл жөнінде БҰҰ комитетіне сілтеме жасап Азаттық хабарлады.

Оқи отырыңыз: Қырғызстанда жоғалған Орхан Инандыны Түркия арнайы қызметі (MIT) ұрлаған

“Қырғызстан Азаптауға қарсы конвенцияның 3-бабын орындамады. Бұл бап мүше-мемлекет азаматқа қауіп төніп тұрса, оны басқа елге қайтарып не беруге құқығы жоқ. Қырғызстан Орхан Инандының ұрлануын жіті зерттеген жоқ”,- деп атап өткен.

БҰҰ сессиясында Орхан Инанды мен өзбек журналисі Бобомурод Абдуллаевтың, қазақстандық белсенді Мұрат Тұңғышбаевтың еліне қайтарылғаны да сынға алынып, Қырғызстан қуғынға алынған адамдарға саяси баспана берудің орнына, оларды азаптау күтіп тұрған өлкелерге қайтарып беретін мемлекет қатарында тұр деді.

“Сапат” білім беру мекемесінің басшысы Орхан Инандының ұрлану оқиғасында Қырғызстанның де кемшілігі барын президент Садыр Жапаров та айтқан.

Қырғыз азаматтығын алып, Бішкекте тұрып жатқан Орхан Инанды биыл 1 маусымда жоғалып кеткен. 5 шілдеде Түркия президенті Режеп Тайып Ердоған арнайы қызмет оны Анкараға алып келгенін мәлімдеді.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз