Түркияның Стамбул қаласының Санжактепе ауданында әскери тікұшақ құлады. Kazakistan.kz хабарлауынша, әскерилердің төртеуі қаза тауып, бірі жараланды.
Анадолу Бас прокуратурасы апатқа байланысты тергеу жүргізіп жатыр.
Әскери тікұшақ Санжактепе ауданы Топчулар көшесіндегі 4 қабатты ғимараттың шатырын жанай өтіп бос аймаққа құлаған. Көп ұзамай полиция, өрт сөндіру және жедел жәрдем қызметкерлері келіп жеткен. Жараланған сарбаз ауруханаға жеткізілді.
UH-1 тікұшағы әуе жаттығуларын жасау үшін көтерілген.
Ұлттық қорғаныс министрі Хулуси Акар:
“Тікұшақта 4 офицер және 1 сержант болған. Сағат 11.02-де ақау шығып, артынша апат орын алды. Оқиғадан кейін 4 офицерімізден айырылып қалдық. Жаралы сержант операцияда жатыр. Әскерилеріміз ешкімге зиян келтірмей бос аймаққа құлауға барынша тырысқан. Тергеу жұмыстары жүріп жатыр”.
