Бүгін таңертең Қырғыз Республикасының вице-премьері Темір Жұмақадыров жол-көлік оқиғасында қаза тапты. Бұл туралы қырғыз құқық қорғау органдары хабарлады.
Құқық қорғау органдарының мәлімдеуінше, трагедия Бішкек-Қара-Балта тас жолында 36 шақырым жерде орын алған.
Республикалық сайлау штабын басқарған Жұмақадыров сайлау учаскелерінің дайындығын тексеру мақсатында Таласқа жол тартқан. Ол мінген жол талғамайтын көлік тіркемесі бар КамАЗ-бен соқтығысқан. Алдын ала мәліметтер бойынша, вице-премьермен бірге оның көмекшісі мен жүргізушісі көз жұмған.
Қырғызстан Президенті Алмазбек Атамбаев Темір Жұмақадыровтың қайтыс болуына байланысты оның отбасына көңіл айтты.
Сабина Сайлаубай
