Әлеуметтік желілерде белгісіз тұлғалардың Ақтөбе мектептерінде қылмыс жасауға дайындалып жатқаны туралы таралған жалған ақпаратқа сенген ата-аналар арасында алаңдаушылық туындап, балаларын мектептен алып кетіп жатыр.
Ақтөбе облысының білім басқармасы ата-аналардан жалған ақпаратқа сенбеуді сұрады.
“Қазіргі уақытта білім беру ұйымдарындағы оқу процесі әдеттегідей жалғасуда. Ата-аналардан сабырлы болуды және жалған ақпаратқа сенбеуін сұраймыз. Балалардың өмір қауіпсіздігі үшін барлық жағдайлар жасалған”, – делінген хабарламада.
Еске сала кетейік, әлдекім Telegram арна ашып, онда Ақтөбенің мектептерінде жаппай атыс ұйымдастыратынын хабарлаған болатын.
