Нұр-Сұлтандағы Spectrum халықаралық мектебінің түлегі Данат Дүйсенбеков Кембридж университетінің студенті атанды. Бұл жөнінде мектептің баспасөз қызметі хабарлады.
26 тамыз күні “Білім-инновация” ХҚҚ ұйымдастырған халықаралық білім олимпиадаларының жеңімпаздарын марапаттау рәсімінде Данатқа осы жылы IMO (International Mathematics Olympiad) жарысынан күміс медаль жеңгені үшін шет елде 5 жұлдызды қонақ үйде бір апталық демалысқа жолдама берілген.
Ол сонымен қатар АҚШ-тағы University of Michigan, Georgia Tech, UC San Diego, UC Santa Barbara атты төрт университеттен де шақырту алған.
Данат Дүйсенбеков бірнеше жыл бойы көптеген халықаралық математика олимпиадаларының жеңімпазы атанған. Мысалы, IMO (2019, 2020) – 2 орын; Азия Тынық мұхит математика олимпиадасы 2019, алтын (2018-2020); Балқан математика олимпиадасы (2017-2019); Жібек жолы математика олимпиадасы -1 орын және т.б.
