Қазақстан мал экспортына тыйым салды

0
134
Photo: zhasalash.kz

Қазақстан ауыл шаруашылығы министрлігі 2019 жылы Өзбекстанға мыңдаған сиыр мен уақ малдың әкетілуіне байланысты мал экспортына тыйым салатынын хабарлады.

2019 жылғы 21 қазанда тек аналық мал басын экспорттауға уақытша шектеу салынған болатын.

– Малдың жаппай экспортталуы ет бағасын өсірді. Шикізат тапшылығынан Қазақстанның ет кәсіпорындары мен бордақылау алаңдары толық жұмыс істей алмады, – деп мәлімдейді министрлік.

Министрлік таратқан хабарға сүйенсек, 2019 жылы Қазақстаннан шетелге 156 мың сиыр шығарылған. Оның 121,6 мыңы немесе 78%-ы Өзбекстанға, 14%-ы Арменияға экспортталған.

Шетелге жіберілген 264 мың қойдың жартысынан көбі – аналық. Оның 200 мыңнан астамы (76%) Өзбекстанға, 21,5 мыңы (8,1%) Ресейге, 18 мыңы (6,7%) Әзербайжанға, шамамен 12 мыңы (4,5%) Иранға жіберілген.

Министрлік мал экспортына тыйымды агро өнеркәсіп кешенін дамытудың 2017 – 2021 жылдарға арналған мемлекеттік бағдарламасымен байланыстырады. Бұл бағдарлама бойынша қайта өңделген өнім экспорты 2,5 есеге ұлғаюы тиіс.

Ауыл шаруашылығы министрлігі “Таяу жылдары малды сақтап, көбейту, отандық ет комбинаттарын қолайлы бағамен сапалы шикізатпен қамтамасыз етуге және өңделген өнім өндірісі мен экспортын арттыруға мүмкіндік береді” деп санайды.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз