АҚШ президенті Дональд Трамп Құрама Штаттардың әскери-ғарыш күштерін құрмақ ниетте. Трамп 18 маусымда Ақ үйде өткен Ұлттық ғарыш кеңесінің отырысында АҚШ-тың қорғаныс министрлігіне аталған жұмысты қолға алуға қатысты бұйрық бергендігін мәлімдеді.
АҚШ басшысының айтуынша, ғарыш күштері Құрама Штаттың Қарулы күштерінің құрамында әскери-әуе күштерімен қатар «жеке, бірақ баламалы» әскери күшке айналады. «Американы қорғау үшін бізге ғарышта болып қана қоймай, ғарышта үстемдік қажет», – деп мәлімдеді Трамп.
Deutche Welle басылымы таратқан ақпарға сәйкес, Ақ үй басшысы 1972 жылдан бері Американың Айды барлаған зерттеулерін қайтадан қалыпқа келтіретіндігін, Марсқа ұшуды ұйымдастыратынын алға тартты.
