Ақпарат және коммуникация вице-министрі тағайындалды

ҚР Үкіметінің Қаулысымен Нұргүл Мауберлинова ақпарат және коммуникациялар вице-министрі болып тағайындалды. Бұл туралы Үкіметтің баспасөз қызметі хабарлайды.

Нұргүл Мауберлинова 1973 жылы Қарағанды облысында туған. Бөкетов атындағы Қарағанды мемлекеттік университетін және Қазтұтыну одағының Қарағанды экономикалық университетін бітірген.

Еңбек жолын 1992 жылы бастаған. Әр жылдары мемлекеттік органдар құрылымы мен коммерциялық секторда қызмет еткен.

2006–2008 жылдары — ҚР Мәдениет және ақпарат министрлігінің Ақпарат және мұрағат комитетінің бас маманы, бас сарапшы.

2008–2012 жылдары — ҚР Премьер-Министрі Кеңсесінің Ақпараттық-сараптамалық орталығының бас кеңесшісі.

2012–2016 жылдары ҚР Президенті жанындағы «Орталық коммуникациялар қызметі» РММ директорының орынбасары, ҚР Парламенті Мәжілісінің кеңесшісі лауазымында болды.

2016 жылдың шілде айынан қазіргі кезге дейін ҚР Ақпарат және коммуникациялар қызметінің Ақпарат комитетінің төрайымы болып жұмыс істеді.

Атап өтерлігі, бұған дейін ақпарат және коммуникация вице-министрі қызметін Алан Әжібаев атқарды.

Сафина Саид