ЕҚЫҰ Қазақстанда өткен президент сайлауын қалай бағалады?

0
50
ЕҚЫҰ байқаушылары. Photo: OSCE/Thomas Rymer

21 қарашада Еуропадағы қауіпсіздік пен ынтымақтастық ұйымының (ЕҚЫҰ) адам құқығы және демократиялық институттар және адам құқықтары бюросының (ДИАҚБ) сайлауды бақылау миссиясы Қазақстанда 20 қарашада өткен кезектен тыс президент сайлауы туралы мәлімдеме жариялады. Онда ұйым сайлуды бәсеке жоқ саяси ахуалда өтті деп бағалаған. 

“Іс басындағы президент барлық парламенттік партиялар атынан ортақ кандидат тәрізді сайлауға түсті, бірақ оған шын мәнінде бәсекелес болған жоқ. Байқаушылар сөзінше, негізгі бостандықтары мен құқықтарының шектелуіне байланысты азаматтардың саяси процеске толық мәнде қатысуы бұрынғыша айтарлықтай шектеліп отыр” дейді ЕҚЫҰ арнайы бақылау миссиясының мәлімдемесінде.

ЕҚЫҰ байқаушылары “сайлау науқаны туралы БАҚ-та мардымсыз жазылуы және сараптамалық репортаждардың жоқтығы, соның ішінде онлайн хабардың болмағаны да сайлаушылардың саналы түрде таңдау жасау мүмкіндігін шектеген” деп санайды.

“Тәуелсіз кандидаттардың президенттікке түсуіне рұқсат етілмейтіні, олардың білімі, туған жері, мемлекеттік қызметте немесе сайланбалы органда жұмыс істеген тәжірибесі туралы талаптар Қазақстанның ЕҚЫҰ алдындағы міндеттемелері мен өзге де халықаралық стандарттарға сай келмейді” делінген ЕҚЫҰ мәлімдемесінде.

Миссия ЕҚЫҰ ДИАҚБ-ның бұған дейінгі ұсыныстары орындалмағанын, нормативтік-құықтық база халықаралық стандарттарға сай еместігін айтқан.

ЕҚЫҰ мәлімдемесінің қорытындысында “алдағы парламент сайлауында бүгін айтылған мәселелерді шешуге мүмкіндігі бар екенін” құлаққағыс еткен.

21 қараша күні Орталық сайлау комиссиясы Қазақстан президентінің кезектен тыс сайлауының алдын ала қорытындысын жариялады. Қорытындыда Қасым-Жомарт Тоқаевтың сайлауға қатысқан сайлаушылар дауысының 81,31 пайызын алғанын көрсеткен.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз