27 қазан күні Сенат Қаңтар оқиғасына қатысушыларға рақымшылық жариялау туралы заң жобасын мақұлдады.
Заң жобасы президентке қол қоюға жіберілді. Құжатқа сәйкес, 4-7 қаңтар күнгі “заңбұзушылықтарға қатысы бар” 1,5 мыңнан астам адам амнистияға ілінеді. Құжат жеңіл және орташа ауыр қылмыс жасағандардың барлығын қылмыстық жауапкершіліктен толық босатуды, ауыр және ерекше ауыр қылмыс жасап, сонысын мойындағандардың жазасын қысқартуды ұсынады.
