Алматы облысының әкімі: кет десе, кез келген уақытта кетемін

0
121
Алматы облысының әкімі Амандық Баталов. Photo: zhasalash.kz

Алматы облысының әкімі Амандық Баталов орынбасары Бағдат Мәнізоровқа тағылған айыптар расталса, отставкаға кетуге дайын екенін айтты.

“Кінәлі болып жатса, отставкаға кету керек болды. Бұл жағдай Алматы облысында емес, Алматыда болған. Менің жұмыстан кететінімді немесе орнымда қалатынымды тек үкімет басшылығы шешеді. Ұзақ уақыт бойы жұмыс істеп келдім, адал еңбек еттім. Кет десе, кез келген уақытта кетуге дайынмын. Немерелерімнің қасында боламын. Одан қорықпаймын”, – деді Баталов.

Мұның алдында облыс әкімі орынбасарын бұрыннан танитынын және кез келген адамның осындай жағдайға ұшырауы мүмкін екенін айтқан еді.

Еске салайық, 27 қыркүйекте Алматы облысы әкімінің орынбасары Бағдат Мәнізоров абақтыға қамалды деп хабарланған болатын. Ал, 30 қазанда әкім орынбасарының жұмысқа шыққаны айтылды. Кейінірек Мәнізоров өзінің үстінен қозғалған үш бірдей қылмыстық істің мән-жайын айтып берді. Ол бұл қылмыстық істің артында белгілі адамдардың тұруы мүмкін екенін айтқан болатын. Ол адамдардың кім екенін анықтап жатырмын деген еді әкімнің орынбасары.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз