Шығыс Иерусалимде палестиналық мұсылмандар мен тәртіп сақшылары арасындағы қақтығысқа байланысты Газа секторы Израильді 10 сағат бойы зымыранмен атқылады. Бұл туралы Израиль қорғаныс күштері Twitter парақшасында жариялады.
Since 6PM, terrorist groups in Gaza have been firing rockets at Israeli civilians.
Non-stop.
The time is now 4AM.
That's 10 hours of rocket attacks.
— Israel Defense Forces (@IDF) May 11, 2021
“Сағат кешкі 18:00-ден бастап Газадағы террористік топтар израильдік қарапайым халықты зымыранмен тоқтамастан атқылауда. Қазір сағат таңғы 04:00 болды. Яғни, 10 сағат бойы зымыранмен атқылады.”- делінген Израиль қарулы күштері жариялаған ақпаратта.
Бұдан бұрын Хамас ұйымы* Израилге әл-Ақса мешітінен және Құддыстың шығысындағы Шейх Джаррах ауданынан әскерилерін шығаруын талап еткен. Талаптары орындалмаған жағдайда зымыранмен атқылайтынын ескертті.
Израильде Газа секторы жасаған шабуылдан 6 бейбіт тұрғын жарақат алған. Палестина денсаулық сақтау министрлігінің хабарлауынша, Израиль жасаған соққыдан Газа секторында 20 адам қаза тапқан, 65 адам жарақат алған. Израиль қарулы күштері өздеріне 200-ден астам зымыранның тоқтаусыз атқылағанын және бірнеше зымыранды “Темір күмбез” (зымыранға қарсы жүйе) арқылы ауада жарғанын жариялады.
In response to 200+ rockets fired from Gaza toward Israel, we killed 15 Hamas terrorists and struck 130 Hamas & Islamic Jihad terror targets in Gaza overnight, incl.:
🎯2 attack tunnels
🎯A Hamas military intel facility
🎯Weapons manufacturing and storage sites— Israel Defense Forces (@IDF) May 11, 2021
“Газадан Израильге қарай атылған 200-ден астам зымыранға жауап ретінде біз ХАМАС-тың 15 террорисін өлтіріп, түнде Газадағы ХАМАС пен исламдық жиһад тобының 130 террористік нысанасына соққы жасадық” – делінген Израиль қарулы күштері Тwitter парақшасында.
Israeli warplanes bombing targets in the heavily populated areas of the Gaza Strip just now.
More than 20 Palestinian civilians have been killed by Israeli warplanes in past 48 hours. pic.twitter.com/i3NI3Iav6B
— CJ Werleman (@cjwerleman) May 11, 2021
Шығыс Иерусалимдегі палестиналық мұсылмандар мен Израиль әскерилері арасындағы қақтығыс әлі жалғасып жатыр. Желіде әскерилердің мұсылмандарды атқылап, намаз оқуына кедергі жасап, онымен қоса мұсылмандар үшін маңызы зор Әл-Ақса мешітіне шабуылдаған видеолары тарап жатыр. Ал палестиналық мұсылмандар әскерилерді тас және жарылғыштармен атқылаған.
Халықаралық БАҚ өкілдері жариялаған соңғы мәліметтерде қақтығыс кезінде 300-ге жуық адам жарақат алған.
Оқи отырыңыз: Израильдегі қақтығыстан 200 адам зардап шекті
Қазақстан мұсылмандары діни басқармасы Құддыстағы Ислам дініндегі қасиетті үшінші мекен саналатын әл-Ақса мешітінде болған жағдайға алаңдаушылық білдіретінін мәлімдеген.
“Еліміздегі барша мұсылманды қасиетті айдың соңғы күндерінде қасиетті мекеннің тыныштығы үшін дұға жасауға үндейміз. Алла Тағала қасиетті әл-Ақсаның бейбітшілік пен амандықта болуын нәсіп етсін! Әмин!”- дейді ҚМДБ таратқан ақпаратта.
Хамас ұйымы* – “Исламдық қарсыласу қозғалысы”. Израиль оккупациясынан Палестинаны азат ету және исламдық Палестина мемлекетін құруды мақсат тұтатын радикалды ислам ұйымы.
 палестиналық мұсылмандар мен тәртіп сақшылары арасындағы қақтығысқа байланысты Газа секторы Израилді 10 сағат бойы зымыранмен атқылады){kind=link}