Қазақстанда мектеп формасына қойылатын талаптар өзгерді

0
483
Оқушылар. Photo: zhaikpress.kz

Білім және ғылым министрлігі мектепке дейінгі және орта білім комитетінің төрағасы Гүлмира Кәрімова оқушылардың міндетті мектеп формасына қойылатын талаптарға өзгерістер енгізілгенін хабарлады. 

“Баланы мектепте дайындауда ата-ананы толғандыратын мәселелердің бірі — мектеп формасы. Көптеген ата-ана мектеп формасын сапалы әрі қолжетімді бағамен сатып алғысы келеді. Бүгінгі таңда міндетті мектеп формасына қойылатын талаптарға өзгерістер енгізіліп, бұйрық жобасы дайындалды. Ата-ана өзі қалаған мектеп формасын еркін таңдай алады. Барлық өңірдегі білім басқармалары мен бөлімдері ата-аналарға мектеп формасын таңдауда бірыңғай түсті ұсынады”, – деді Гүлмира Кәрімова.

Кәрімованың сөзінше, мектеп формасы баланың тәрбиесіне айтарлықтай әсер етеді.

“Мектеп формасына эмблемадан басқа да мектеп белгілерін жапсыруға болады. Сапалы әрі қолжетімді мектеп формасымен қамтамасыз етудегі жаңа тәсіл оқушылар арасындағы әлеуметтік, мүліктік және өзге де айырмашылықтарды жояды деп үміттенеміз”, – деді БҒМ өкілі.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз