Алдын ала қорытындылар бойынша, қаңтар-қыркүйекте республиканың сыртқы сауда айналымы 2,4%-ға, яғни $102 млрд-қа дейін өсті. Бұл туралы үкімет отырысында экономика министрі Әлібек Қуантыров хабарлады.
Экспорт $57 млрд-тан астам болды, оның ішінде өңделген тауарлар экспортының үлесі – $18 млрд, тауарлар импортының үлесі – $44 млрд-тан астам. Жалпы, Қазақстанның оң сауда балансы $13 млрд-қа тең.
Есепті кезеңде Қазақстан экономикасының өсу қарқыны 4,9%-ға жетті. Салалар арасында ең жоғары көрсеткіштер құрылыс, сауда, ақпарат және байланыс, сондай-ақ көлік салаларына тиесілі.
