2020 жылдың 1 қыркүйегіндегі ақпарат бойынша Қазақстанға 9,9 мың этникалық қазақ келіп, оралман мәртебесін алған. Тәуелсіз алғалы туған жерге 1 миллион 67,2 мың этникалық қазақ оралған. Бұл туралы еңбек және халықты әлеуметтік қорғау министрлігі хабарлады.
Биыл елге қоныс аударған этникалық қазақтар:
- 59,1% – Қытай;
- 25,6% – Өзбекстан;
- 8,8% – Түрікменстан;
- 3,5% – Моңғолия;
- 3% – басқа елдерден келген.
Ал, қоныстану тұрғысынан:
- 54,6% – Алматы облысы;
- 12,7% – Маңғыстау облысы;
- 4,1% – Нұр- Сұлтан қаласы;
- 3,1% – Шымкент қаласына тұрақтаған.
“Келушілердің ішінде 60%-дан астамы еңбекке жарамды жаста, ал шамамен 5%-ы зейнеткер. Оралман мәртебесін алғандар, Қазақстан азаматтарымен қатар, жұмыспен қамтудың жол картасы шеңберінде жүзеге асырылатын жобалар аясында, жұмыспен қамту орталықтары арқылы жұмыс таба алады”, – деді еңбек және халықты әлеуметтік қорғау министрлігіне қарасты көші-қон мониторингі басқармасының басшысы Дастан Айтқұлов.
