19 қазан күні ақын, көпшілікке кеңінен танымал “Желтоқсан желі” әнінің сөзін жазған Әбдірахман Асылбеков дүниеден озды. Азаттық радиосының хабарлауынша поэзия шебері 80 жасында Алматыда ауруханада көз жұмды.
Әбдірахман Асылбеков 1938 жылы Жамбыл облысының Талас ауданы, Үшарал ауылында дүниеге келген. Алматыдағы Қазақ Педагогикалық институтының тарих-филология факультетін бітірген ол “Жазушы”, “Жалын” баспаларында, республикалық басылымдарда еңбек еткен.
Әбдірахман Асылбеков 1986 жылғы желтоқсан оқиғасы туралы “Желтоқсан желі” өлеңінің сөзін жазған.
