21 желтоқсанда Орталық Азия медиа форумының екінші күні өтті. Жиынның соңғы күніндегі сессиялар да әр елден келген медиа кейстерге толы, қызықты өтті деп топшыласақ болады. Қазақньюс тілшісі форумның соңғы күінен сіздерге фоторепортаж ұсынады.
Астанада өткен бірінші Орталық Азия форумында “D Billions” YouTube-жобасының негізін қалаушы Эрнист Уметалиев сөз сөйледі.
“Креативті индустрия әлеуметтік трансформация элементі ретінде” панельдік сессиясында сөйлеген сөзінде ол “D Billions”жобасы туралы айтты. Ол өзінің YouTube арнасында мектеп жасына дейінгі балаларға арналған әндер мен ойын-сауық бейнелерін шығарады. Топ мүшелері балаларға алфавит әріптері туралы айтады, жаңа сөздерді үйретеді және нәресте оңай қайталайтын би қимылдарын көрсетеді. «Ағылшын тіліндегі YouTube сегментіне арналған алғашқы бейне 2019 жылдың тамызында жарияланды. Бұған дейін біз тек өз көрерменіміз үшін жұмыс істедік, бірақ белгілі бір уақытта жаңа деңгейге шығуды шештік. Екі жыл бойы біз достарымызбен талқыладық, YouTube-ті зерттедік”, – дейді ол.
“БАҚ-тағы әйел: азаматтық қоғамның дамуындағы гендерлік теңдіктің рөлі” панельдік сессиясында Қазақстан Республикасы Президенті әкімшілігі басшысының орынбасары Аида Балаева сөз сөйледі.
Ол елдегі гендерлік теңдік көрсеткіштерінің жақсарғаны туралы айтты.
“Қазақстан тәуелсіздік жылдарында гендерлік теңдік саласында бірқатар прогрессивті шаралар қабылдады және бұл мемлекет пен азаматтық қоғамның бірлескен күш-жігерінің арқасында ғана мүмкін болды. Ал оның маңызды бөлігі – медиа. Жүргізіліп жатқан гендерлік саясат елдің халықаралық рейтингтердегі жағдайын жақсартады. 2021 жылдың нәтижелері бойынша гендерлік теңдік индексі бойынша Қазақстан көрсеткіштерін жақсартты және 146 елден 65 орынға көтерілді. Бұл Орталық Азия аймағындағы көшбасшылық позиция және біз көрсеткіштердің тұрақты түрде жақсару үшін жұмыс істеп жатырмыз. 2030 жылға дейінгі отбасылық және гендерлік саясаттың қолданыстағы тұжырымдамасы осы көрсеткіштерді жақсартуға мүмкіндік береді. Таяудағы сегіз жылда Қазақстанның әйелдерге қатысты күтілетін өмір сүру ұзақтығындағы гендерлік алшақтықты жеті жылға дейін, орташа жалақыдағы алшақтықты 21%-ға дейін қысқарту, сондай-ақ, шешім қабылдау деңгейіндегі билік органдарындағы әйелдердің үлесін 30%-ға дейін жеткізу жоспарлары бар”, – деді Балаева.
Орталық Азия медиафорумында Лиз Уэлштің “Eagle Huntress” кітабының тұсаукесері өтті. Кітаптың басты кейіпкері – Айшолпан Нұрғайып. Ол – әлемдегі ең жас бүркітші қыз. Лиз Уэлш Айшолпанмен алғашқы кездесуі қалай болғандығы туралы баяндап берді.
“Көптеген адам менен онымен қалай кездескенімізді және неге оның тарихын айтуды сұрады. Алдымен мен бүркіттерді түсірген израильдік фотографтың суретін және оларды Моңғолияда қалай жаттықтырғанын көрдім. Ол қыздар арасында кездейсоқ бүркіттің бар-жоғын білуге шешім қабылдады. Осылайша олар Айшолпанға шықты. Оның отбасында бүркітші болу жеті ұрпақтан кейінгі нағыз отбасылық дәстүрге айналған. Айшолпанның бүркітпен түскен бұл суреті оның өмірін өзгертті “, – деп еске алады Лиз Уэлш.
Мұнан соң Айшолпан сөз алды. “Мен бала кезімнен бүркітші болуды армандадым. Бүкіл әлем бойынша біздің дәстүрлеріміз туралы айтып, халықаралық қатынастарды нығайтуға үлес қосуға мүмкіндігім бар екеніне қуаныштымын”, – деді Айшолпан Нұрғайып.
Сессия соңында сөз алған Қазақстан Республикасы Президенті әкімшілігі басшысының орынбасары Аида Балаева “енді біздің міндетіміз осы “Eagle Huntress” кітабын қазақшаға аудару” деді.
