Қазақстан президенті Қасым-Жомарт Тоқаев рәміздер туралы қолданыстағы заңнамада туды пайдалануға қатысты шектеулер барын, мемлекеттік рәміздерді пайдалану қағидаларын қайта қарау қажеттігін айтты.
Президент туды қолданудағы шектеулерге тоқталып, ел азаматтарының туды қолдану туралы ұсынысын қолдайтынын жеткізді.
Парламенттің бірқатар депутаттары мен патриот азаматтардың еліміздің мемлекеттік рәміздерін, атап айтқанда, ҚР мемлекеттік туын кеңінен қолдану туралы ұсынысын қолдаймын.
— Qasym-Jomart Toqayev (@TokayevKZ) October 27, 2020
Еске салайық, жақында Қазақстан туын келемеждеген “Борат 2” фильмінің үзіндісі әлеуметтік желіде кең тараған болатын. Осыдан кейін интернетте #ментуымдымақтанетемін хэштегімен қазақстандықтар тумен түскен суретін көптеп жариялай бастады.
