Түркістан-Самарқанд халықаралық автобус бағыты ашылды

0
36
Түркістан-Самарқанд бағытына қатынайтын автобус. Сурет: Түркістан облысы әкімдігінің баспасөз қызметі.

14 сәуірде Түркістан-Самарқанд бағытындағы халықаралық автобустың алғашқы жолаушылары Самарқандқа жетті. Бұл туралы Түркістан әкімінің баспасөз қызметі хабарлады.

Әкімдіктегілердің мәліметінше, автобус күн сайын кешкі сағат 18:00-де жүреді. Жолаушыларды Түркістан қаласындағы “Алтын Орда” автовокзалынан Самартқандтағы “Самарқанд” автовокзалына алып барады. Жолда Шымкент қаласына, Өзбекстанның Гүлістан және Жыззақ қалаларына аялдайды. Жол ақысы – төрт мың теңге. Билік өкілдерінің айтуынша, Түркістан-Самарқанд бағытындағы автобус елге келетін туристер санын арттыруға көмектесуі тиіс.

2018 жылы 10 желтоқсанда Түркістан-Ташкент бағытындағы автобус жүре бастаған. Бұған дейін билік өкілдері екі ел арасында қатынайтын автобустар шекарадан кедергісіз өтеді деп мәлімдеген. Қарашаның 15-і күні Шымкентте алғаш рет екі ел арасындағы қарым-қатынасты дамытуға бағытталған өңіраралық ынтымақтастық форумы өткен.

Қазіргі уақытта Қазақстан президенті Қасым-Жомарт Тоқаев Өзбекстанда ресми сапармен жүр.

 

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз