Қазгидромет болжамы бойынша Қазақстанда 9-11 шілдеде күн күркіреп, жаңбыр жауады, деп хабарлайды Kazaknews.kz тілшісі.
Атмосфералық фронтальды бөліктердің өтуімен елдің барлық аумағында тұрақсыз ауа райы сақталады. Яғни найзағай ойнап, жел күшейеді және бұршақ жаууы мүмкін. Ал, еліміздің оңтүстік-батысы мен оңтүстігінде шаңды дауыл, солтүстігінде және солтүстік-батысында тұман күтіледі.
Ауа температурасы:
- Күндіз батыста +30+38°С, оңтүстік-батыста + 30+41°с, солтүстік-батыста + 22+33°С
- Солтүстікте, орталықта +22+30°С,
- Шығыста ауа температурасы + 17+25°С-тан +23+31°С-қа дейін, оңтүстік-шығыста +20+29°С-тан +23+32°С-қа дейін жоғарылауы болжанады
- Елдің оңтүстігінде ауа температурасы +27+35°С күтіледі
