Стамбулдағы жарылыс: Теракт жасаған болуы мүмкін деген күдікпен бір адам ұсталды

0
44
Истикляль көшесі. Photo: BBC Turkiye

13 қарашада Стамбул қаласының Истикляль көшесінде теракт жасаған болуы мүмкін деген күдікпен бір адам ұсталды. Бұл жөнінде Түркия ішкі істер министрі Сүлейман Сойлу хабарлады.

Министрдің сөзінше, қазірге дейінгі мәліметтер “терактінің артында Түркияда тыйым салынған Күрдістан жұмысшы партиясы тұрғанын” көрсетеді. Анкара Күрдістан жұмысшы партиясын террор ұйым деп санайды.

Жексенбі күні Стамбулдағы жарылыс салдарынан кемі алты адам өлген. 81 адам зардап шеккен, екі адам ауыр халде ауруханада жатыр. Жарылыс кезінде көшеде адам көп болған. Жарылыс болған сәт видеокамераға түсіп қалған.

Түркия вице-президенті Фуат Октай терактіні әйел адам жасаған болуы мүмкін деп хабарлады.

Жарылысқа жауапкершілікті әзірге ешкім мойнына алған жоқ. 2015-2016 жылдары Түркияның ірі қаласында “Ислам мемлекеті” террор ұйымы бірнеше рет жарылыс жасаған.

Қазақстан сыртқы істер министрлігі жексенбі түнде Қазақстанның Стамбулдағы бас консулдығы жараланғандар немесе қаза болғандар арасында қазақстандықтардың бар-жоғын тексеріп жатқанын мәлімдеді.

ЖАУАП ҚАЛДЫРУ

Пікіріңізді енгізіңіз!
Мұнда аты-жөніңізді енгізіңіз