Премьер-министрі Бақытжан Сағынтаев Үкімет отырысында күн райының күрт бұзылуына байланысты оңтүстік өңірлерде өзендер арнасынан тасуы мүмкін екенін ескертті.
Бақытжан Сағынтаев:
«Өздеріңіз көріп отырғандай, ауа райы өте құбылмалы болып тұр. Тек соңғы аптаның өзінде Астана қаласында, Ақмола, Павлодар, Ақтөбе, Қостанай және басқа да облыстарда күн райы күрт бұзылып, бірнеше рет алдын ала ескерту жарияланды. Алдағы күндері Оңтүстік Қазақстан мен Қызылорда облыстарында да жауын жауып, өзендер арнасынан асуы мүмкін», –
деп мәлімдеді.
