Шымбұлақ курорты «Әлемдегі ең биік түнгі тау шаңғы трассасы» номинациясы бойынша Гиннестің рекордтар кітабына енді, деп хабарлайды Kazaknews.kz тілшісі.
Бұл нәтиже Шымбұлақтың теңіз деңгейінен 3200 метр биіктікте орналасқан «Талғар асуы» станциясында тіркелген. Сол жерде рекордқа енгені туралы сертификат табысталып, салтанатты рәсім өткен. Гиннестің рекордтар кітабының ресми судьясы Шейд Субаши трассаның барлық талаптарға сәйкестігін растай отырып, тарихи нәтижені тіркеген.
