Орталық коммуникациялар қызметі алаңында мәдениет және спорт вице-министрі Нұрғиса Дәуешов «Балалар жылын» өткізу аясында ведомство ұйымдастырған іс-шараларға тоқталды, деп хабарлайды Kazaknews.kz тілшісі.
“Республикалық конкурста жүлде алған балалар халықаралық конкурстарға барады. Балалардың оқу белсенділігін арттыру мақсатында ведомство тарапынан алғаш рет «Айбоз» ұлттық әдеби сыйлығы тағайындалды. Оның ішінде «Үздік балалар әдебиеті» номинациясы бойынша «Іздер құпиясы» шығармасымен Бекен Ыбырайым жеңімпаз атанып, 5 млн теңге қаржылай сыйлық алды”, – деді спикер.
