Бүгінгі әлемде блогерлер — жай ғана танымал адамдар емес, жасөспірімдерге ықпал ететін үлгі, стиль, тіпті кейде өмір салтының өлшемі. TikTok, YouTube, Instagram сияқты платформаларда белсенді блогерлердің миллиондаған жазылушылары бар. Осының нәтижесінде блогерлік — жас буын үшін тек хобби ғана емес, болашақтағы кәсібіне айналып келеді.
Неліктен блогерлер соншалықты танымал?
Біріншіден, блогерлер жасөспірімдерге жақын. Олар – солардың тілінде сөйлейтін адамдар. Қалай сөйлесу керек, не кию керек, қандай әуестік жасау керек — осының бәрін блогерлер көрсетеді.
Мысалы, TikTok-та әлдебір челлендж басталады: біреу би билейді, екіншісі күлкілі скетч түсіреді. Сол видеолар әлемге таралып, жастар арасында трендке айналады. Бір күнде мыңдаған жасөспірім сол трендке қосылады.
Екіншіден, блогерлер — қолжетімді рөл моделдер. Тарихтан белгілі YouTube жұлдыздары:
1. MrBeast (Джимми Дональдсон) — қайырымдылық арқылы танымал болған блогер, жасөспірімдерге бірлік пен үлкен мақсатқа ұмтылудың үлгісі ретінде көрінеді.
2. Charli D’Amelio — TikTok-тегі билерімен танылып, өз арнасын миллиондаған жазылушыларға жеткізген жас блогер.
Бұл мысалдар көрсетеді: бір адам да үлкен аудиторияны шабыттандыра алады.
Бұл мысалдар әр адам үлкен аудиторияны шабыттандыра алатынын көрсетеді.
Блогерлердің жастарға әсері қандай?
Жасөспірімдер блогерлерді тек көңіл үшін қарамайды — олардан өздеріне керек нәрселерді үйренеді. Мысалы, өзіндік стильді табуды, өзін көрсету жолдарын, өмірлік мақсатты анықтауды және дұрыс қарым-қатынас жасау жолдарын.
YouTube-тағы білімге арналған видеолар — оқу, тіл үйрену, спорт, психология — жасөспірімдерге өз дағдыларын жақсартуға көмектеседі. Танымал блогерлер арқылы бұл процесске қызығушылық артады.
Қауіпті тұстары да бар
Дегенмен, кей блогерлердің контенті жастарға кері әсер етуі мүмкін. Мысалы, дене сұлулығына тым мән беру, дұрыс тамақтанбауға кеңес беру, қауіпті трюктарды көрсету немесе сен білмейтін өнімдерді жарнамалау. Осы себептен кей жасөспірімдер денсаулығына зиян әдеттерге бой алдыруы немесе өздерін басқалармен салыстырып, көңіл-күйі төмендеуі мүмкін.
Сондықтан ата-аналар мен мұғалімдер блогерлерді қарауға рұқсат еткенде, қандай контент пайдалы, қайсысы қауіпті екенін талқылап, жасөспірімді саналы түрде бағыттауы керек.
Жасөспірімдер арасында блогерлердің танымалдығы — заман талабы. Олар жаңа пікірлесу, шабыт алу және өз-өзін дамыту ортасын береді. Ең маңыздысы — блогерлерді саналы түрде қарау, тек көңіл көтеру үшін емес, өзіңді дамытуға көмектесетін бағыттарды таңдау.
Толғанай Темірханова, 11-сынып оқушысы
