«Қазақстанның флорасы мен фаунасы» сериясынан QULAN коллекциялық монеталары 2022 жылдың 27 шілдесінен бастап сатылады, деп хабарлайды Kazaknews.kz тілшісі.
Монеталарды kazcoins.nationalbank.kz платформасында интернет-дүкеннен сатып алуға болады. Интернет-дүкеннің қазіргі нұсқасы жұмыс күндері, Нұр-Сұлтан қ. уақытымен сағат 10:00-ден 13:00-ге дейін жұмыс істейді.
«QULAN» монеталарының сипаттамасы:
Құлан – жылқы тұқымдас, сирек кездесетін жануар. Латынша атауы – «EQUUS HEMIONUS». Оған алғаш рет 1775 жылы сипаттама берілген. Қазақстанда құлан Үстірт пен Маңғышлақта кездескенімен, өткен ғасырдың 30-жылдары жоғалып кеткен. 1953 жылы Арал теңізіндегі Барсакелмес аралына түркімен құландары әкелінді. 1982 жылдан бастап Алтын Емел, Бетпақдала ұлттық саябағында және солтүстік Ақтауда оларды жерсіндіру жұмыстары басталған.
