Елордалықтар ресми рұқсат алмай жұмыс жасаған “Астана автотұрақ кеңістігі” ЖШС паркоматтарына ақша төлеуге міндетті емес. Таяуда осы уақытқа дейін төлеген ақшаларын қайтарып алады. Бұл туралы Нұр-Сұлтан қаласы әкімдігінің сайты хабарлады.
Көлік жүргізушілеріне “Нұржол” бульварынан басқа, көше мен жол бойында орнатылған “Астана автотұрақ кеңістігі” ЖШС автотұрақтарына жасаған төлемдерін қайтару туралы кейінірек хабарланады.
Көлік және жол-көлік инфрақұрылымын дамыту басқармасының бөлім басшысы Марат Есеркеповтің айтуынша, паркоматтардан қалалық бюджетке ақша түспеген, керісінше пайдалануға ресми рұқсат алмағаны үшін халықтың төлеген ақшасы тікелей ұйымның есебіне аударылған.
