18 қыркүйектен бастап Нұр-Сұлтаннан Лондонға Airbus A321LR ұшағы сәрсенбі мен сенбі сайын тұрақты түрде қатынайды. Бұл туралы Air Astana компаниясының баспасөз қызметі хабарлады.
Лондонға ұшу ұзақтығы 7 сағат 15 минут, кері рейс 6 сағат 30 минутқа созылады.
Әуе билеттерін airastana.com сайты арқылы және сату кеңселерінде, ақпарат және брондау орталығында, сондай-ақ әуекомпания мен Халықаралық әуе көлігі қауымдастығы аккредиттеген агенттіктерде брондауға болады.
Билет құны барлық алымды есептегенде екі жаққа 284 535 теңгеден басталады.
