Шымкентте соңғы екі жылда қалыңдықты алып қашу белгілері бар 25 дерек тіркеліпті. Бұл туралы Қала прокуроры Ғабит Мұқанов мәлімдеді, деп хабарлайды kazaknews.kz қала прокуратурасына сілтеме жасап.
Прокурордың айтуынша, аталған фактілер бойынша қылмыстық істердің барлығы қылмыс құрамының болмауына байланысты тоқтатылған. Негізінен қалыңдықтардың өздерінің «күйеу жігіттің» үйіне өз еркімен келгені туралы арыздары бойынша.
Сонымен қатар, қыз-келіншектер сәтсіз некеден кейін отбасы үшін ұят болады деп қорқып, некеге тұруға мәжбүр болатынын атап өтті.
«Неке алдау мен зорлық-зомбылықтан басталмауы керек, біз оларды асығыс қадамнан қорғауымыз керек екенін жеткізді. Бұл ретте барлық әлеуетті күйеу жігіттер мұндай қадамдар үшін жазаның ауырлығын, ал «игі іс» деп санайтын оларға көмектесетіндер оған қауіп төндіретін жауапкершілігін түсінбейді», делінген хабарламада.
Дегенмен қалыңдықты алып қашуға байланысты әрекеттер мән-жайларға байланысты адамды ұрлау (ҚК-нің 125-бабы, 15 жылға дейінгі мерзімге бас бостандығынан айыру қарастырылған) немесе бас бостандығынан заңсыз айыру (ҚК-тің 126-бабы, 10 жылға дейінгі мерзімге бас бостандығынан айыру көздеген) деп саралануы мүмкін.
Аталған баптар бойынша қылмыстық құқық бұзушылық туралы істер жариялы айыптау iстерi болып есептеледі.
Мұндай жағдайларда бұл iстер бойынша қылмыстық қудалау жәбiрленушiнiң шағым бергеніне-бермегеніне қарамастан жүзеге асырылады.
Қала прокуроры мұндай қылмыстардың алдын алу үшін тұрғындар арасында құқықтық түсіндіру жұмыстарын жүргізуді тапсырды.
